Aghanim d ulili

Ufighd a arraw n ulili d ughanim
Ran ad zin nbedd nnig as amm
Unhkam ar sawaln indud ughanim
Inna as: nekk a izyyen da tturugh
Iwaliwn urughk a lhsab urugha
Awd talluht iligh g ustta da yi
Ttasid a fadma tararmtid a aicha
Isul ar sawaln (2)
Isul ar sawaln indud ulili
Inna as : nkk a izyyen Gigh as
Aslni I ustta nga lmrud i aicha
Mridd I ulili ig lbarud akal Amllal
mas tkkatm a lghzu g irumin ??
Mridd I ulili ig lbarud akal Amllal
mas tkkatm a lghzu g irumin ??
Isul ar sawaln (2)
Unna nn iqqn ad irwu irwu g iwaliwn
Ima udm ur ihli umnad I wadu
Illa awd zzin g ulili da t ittarm
Ka Irzig ard as rzign yiman
A tizizwa da km issknad ughanim
Aghanim zizawn alddjig ur illi
Aghanim zizawn alddjig ur illi
Isul ar sawaln (2)

Paroles: mémoire collective ait atta

Il inw

Il inw illa iligh
Talalit inw sg lligh
Awal inu d walligh
Tamazgha ag d gmigh
Il inw illa iligh
Tamazight ayd righ
A aydud s d ddigh
An smun awal digh
Il inw illa iligh
Tamurt inw ur t zriygh
Azmmazgh inw ur t zhigh
Ikarifn ayd ugigh
Il inw illa iligh
Amzruy inw ur t ttugh
Azur inw ur t bbiygh
Tilili inw ayd righ

Paroles : m.said amghari

Addj itt ukwan

Addj itt ukwan addj itt
nkkni ami tjra
Dda yagh fad n waman
Han ighbula nnig agh
Addj itt ukwan addj itt
nkkni ami tjra
dda yagh fad n tariyt
han iysan ggudin
Addj itt ukwan addj itt
nkkni ami tjra
dda yagh fad n tamimt
han ighran nnig agh
Addj itt ukwan addj itt
nkkni ami tjra
dda yagh fad n tafuyt
iga as ka isignw
Paroles: mémoire collective ait atta

Bab n tmazirt

A bab n tmazirt a unna d ittawin
Lmal isfan ula lmyuz rwanin
Ghrigh awn adday siwlgh addi
Talim swa g bu lhijab la unna g ur illi
I tulid tafuyt issudda wayyur
I yan ur yad irdi ad ibal i yan
Kyy a lurd a yufn ilddjign kukllu
Kyy a lurd a yufn ilddjign kukllu
Sllagh I uhidus tawimid a adar
Tga ccahwa taqburt digi nnigh as
Wa rsut a lhmm in ar kkidi nughul
Wa rsut a lhmm in ar kkidi nughul
Awa ghalgh amarg is ur digngh illi
Zzigh ign am umgun xs ig ikka
Matlla I isafarn iwhn addi akin
Matlla I isafarn iwhn addi akin
A ma mi i3qqal ka ur digngh illi
Yaghul ughbalu inqqs kigan ikka
Ungi a l3in ar ghifun iggar akal
I3del I yigm allig diks 3ubn waman
Tannay titt inw ilddjign yan ur
Igi am yan ibda rbbi ddunit a
Ibda laryac isti wamud ahurriy
Ibda laryac isti wamud ahurriy

Paroles: mémoire collective ait atta

Tagzzimt

akki zzurgh a wanna ittuggum a
ahmmam ig d iman d ughulid ar ighil
ar aha tdalabn I rbbi dda yaghul
add yawi lxelf a ig ulddjig 3laxir
nusikm a titt s aghulid annigh a
ahmmam irsa diks aghulid afus ur
tninn ilkim ad zars nazn titt ur
as illi u3ssas da tsnada ku yan
lla3awn a tatbirt n uzilal am rric
ighman a mm taddblijin a ta mec
am ijra ka ighmmem yignna taccek
tafuyt yaccek as usidd I wayyur
3mun itran ur yad ssuddin adu
Lla3awn at a lmughyyib a ayyur
Dda nn ighfln drugh t yad ur annigh
Lla3awn at titrit n yignna tasflallayt
Dda s di issiddi ku yan ann awi lman

parole : mémoire collective ait atta

tilili

Mig ra ad trwu tmazirt inu
An ili tawuri
Mig ra ad t3fu yaly unbdu
An nghl tidi
Mig ra an umu ddaw umalu
Tanumi ad tili
An asy asafu nawid g usfru
Nra tilili
Innat hmmu tinitt xddju
Askka tiwizi
Arba amnzu kyyin d almu
Kyyin tarusi

Paroles: brahim oul3rbi

Azerf n Aicha
wa tzi agh tasa d wul ur yad msasan
tnna as tasa : ggwd i l3dab a ul
inna as wul: ad mungh d wadda righ
ur tbat i ljnet ula l3dab a tasa
myya n sslam ad ak nn uzngh a aslm
awitn ar adghar g tugm aicha
tinid asn: amarg nm da d ittali
xf wul inw ig amm umdlu d ucudiy
a tiddi n tmlalt a asid n wayyur
a tattast n wurgh ittef ka g lmuluk
amr illi uzerf usar ttagm aicha
ula da ttheccant a lhmm ad ur ilin
han ul inw uwight i udbib axatar
ar agh itnadar g igh-n-cha dda yannay
inna agh : hat tayri iggudin aya
isafarn n taddgh ggwdgh ad ur ilin

paroles: mémoire collective ait atta